Pahibalo sa Pagkapribado
(Privacy Notice)

Para makumpirmar ang imo identidad (Know-Your-Customer ukon ang KYC Information)
Bag-o kami maghimo sang imo digital wallet kag mahatagan serbisyo sang amon mga kaupod, kinahanglan namon mahibaluan ang imo identidad, suno sa ginapatuman sang kasuguan. Kinahanglan man naton nga makita ang mga transaksyon kag ireport ang bisan ano nga makaduluda nga hilikuton sa mga financial regulator. Tungod ini sa layi batok sa pagtago sang matuod nga ginhalinan sang kwarta nga posible nakuha sa ilegal nga paagi (ukon money laundering).

Para mahatag ang amon serbisyo nga angot sa istilo sang imo pangabuhi kag pinansyal nga kinahanglanon
Ginatipon namon ang imo personal nga impormasyon para imo magamit ang amon mga serbisyo sing mahapos kag madasig. Parehas na lang kung ikaw magbayad sa imo balayran gamit ang imo GCash App, ginapangayo namon ang imo ngalan, detalye sang imo account, kung paano makig-angut sa imo, kag ang imo pamaagi sa pagbayad. Ginatipon namon ini nga mga detalye para ang kumpanya ukun institusyon nga imo ginabayran makabutang sa insakto nga balayran or account.

Ginatan-aw man namon kung paano mo ginagamit ang amon mga serbisyo para mabal-an kung ikaw pwede makakuha sang mga pinasahi nga deal ukon promosyon halin sa amon. Ginakonsiderar man namon ang mga iban nga butang parehos lang kung ang imo account na set-up sing husto, kung may ara ikaw bastante nga kwarta sa imo GCash account, kag kung ano kasunson mo ginagamit ang amon mga serbisyo kaparehas na lang sang mga pagbayad, pag-invest, pagtipon sang kwarta, kag pagkuha sang insurance. Ginatan-aw man namon kung imo ginabayaran ang imo mga kautangan sing tremprano ukun sa husto nga ti-on, kag kung paano mo ginagamit ang imo ginhulam nga kuwarta. Sa pama-agi sini, puwede namon makalkular ang imo GScore. Para sa dugang nga detalye sa GScore, palihog tan-awa ang GScore FAQs.

Para ma personalize ang amon mga produkto kag serbisyo
Ginatipon kag gina-analisar namon ang imo personal nga impormasyon para ma-angot ang amon mga serbisyo sa imo. Sa pag hangop sang imo mga luyag kag kinahanglanon, makarekomendar kami sang mas nagakaigu nga mga produkto, serbisyo, kag personalized feature para mapanami ang imo eksperyensya sa paggamit sang imo GCash App.

Para maka ubra sang research ukun pag-tuon sa produkto kag merkado (product at market research)
Mahimo nga gamiton namon ang imo mga personal nga impormasyon para maintindihan namon ang mga uso kag mga pattern sa merkado. Ginaubra ini para man makahimo kami sang mga bag-o nga produkto kag mapa-nami ang amon mga serbisyo. Parehas na lang kung kami maga offer sang patas nga pag pautang (fair lending), barato nga pang-kapital, accessible nga insurance kag iban pa nga mga serbisyo nga nagasulong sang financial inclusivity para sa tanan nga mga Pilipino. Ginpakilala namon ang ang mga produkto nga ini tungod kay gintun-an namon ang mga kinahanglanon sang amon mga customer.

Para madumalaan ang risgo kag para malikawan ang posible nga pagpangdaya (fraud) kag krimen
Ginaubra namon ang pag-analisar sang risgo (risk analysis) kag pagpugong sang pagpangdaya(fraud prevention) para maprotektahan ka, ang amon mga partner, kag ang amon nga negosyo. Halimbawa na lang, para malikawan ang bisan sin-o nga makakontrol sang imo GCash account, mahimo namon kolektahon kag usisaon ang imo nga litrato, ang imo mga nag-ligad nga transakyson, kag iban pa nga personal nga impormasyon. Para mabal-an ang parte sa amon DoubleSafe security feature, palihog bisitahon ang amon nga website.

Para mapa-ayo ang amon serbisyo sa kustomer
Ang amon Customer Service Management Team pwede mag kuha sang imo iban pa nga personal nga impormasyon para masabat sang insakto ang imo mga pamangkot. Ginarekord man namon ang imo nga mga tawag kag chat para mas mapanami ang amon mga serbisyo kag para matudluan ang amon team.

Para mas mapa-ayo ang performance sang imo GCash App
Para makuha nimo kag masulit ang pinaka-maayo nga eksperyensya sa pag-gamit sang imo GCash App, mahimo namon gamiton ang imo nga personal nga impormasyon para mahibaluan kung paano nimo ginagamit ang app. Ini para mapaayo pa namon ang amon mga serbisyo.

Para mapa dal-an ka sang mga update kag iban pa nga komunikasyon
Mahimo namon gamiton ang imo personal nga impormasyon para mapadal-an ka sang importante nga mga update parte sa imo account, mga serbisyo nga imo ginagamit, mga bag-o nga feature, mga pag-alerto sa seguridad, kag iban pa nga may kaangtangan sa komunikasyon.

Para mapasayud ang mga serbisyo kag mga produkto nga may kaangtangan
Mahimo namon gamiton ang imo personal nga impormasyon sa paghimo sang mga ginpasad-ya nga mga pasayud (targeted advertising). Ini para ipakita sa imo ang mga offer, promosyon, kag mga suhestyon nga may kaangtangan sa imo mga interes. Tuyo man namon nga mahatagan ka sang personalized nga pasayud. Tungod sini, amon man ginatun-an kung paano mo ginagamit ang imo nga GCash account, pareho na lang sang pag-analisar sang imo nag-ligad nga mga transaksyon, mga pattern sang imo pag-gamit, pati na ang imo mga personal nga preferences.

Para madumalaan ang proseso sang pag-recruit kag para mamentinar ang mga rekord sang pag trabaho
Kung ikaw maga-ubra sa amon, nag-ubra na, ukun interesado nga mangin bahin sang amon kumpanya, ginaproseso namon ang mga personal nga impormasyon nga imo gin pa-ambit sa amon sa imo resume kag mga application form. Lakip sini ang mga impormasyon parte sa imo nga edukasyon, resulta sang mga eksaminasyon, mga gin tanyag nga trabaho, pag-usisa sa imo background, pati na ang mga medical examinations. Gintago man namon ang imo personal nga impormasyon samtang ikaw naga trabaho sa amon kag bisan pag-katapos sang imo pag-halin, pareho sang mga detalye nga may kaangtangan sa imo pensyon kag benepisyo, account sa bangko, mga puluy-an, benepisyaryo, kag mga emergency contact

Impormasyon pahinungod sa imo personal nga identidad (Know-Your-Customer): Kung magbukas ka sang GCash account, ginakolekta namon ang imo personal nga mga detalye. Nagalakip ini sang imo bug-os nga ngalan, kasarian, lugar sang ilistaran, numero sang telepono, email address, petsa sang pagkatawo, nasyonalidad, mga numero sang ID nga ginhatag sang gobyerno, litrato, kag pirma. Kung kinahanglanon, mahimo man kami mamangkot parte sa imo trabaho, kahimtangan sa pag-asawahay, kita, kag iban pa nga impormasyon, suno sa ginapatuman sang Bangko Sentral ng Pilipinas (BSP) nga mga pagsulundan.

Ginatago namon ang imo impormasyon sa sulod sang lima (5) ka-tuig pagkatapos sang katapusan nga transaksyon nga imo ginhimo gamit ang imo GCash account ukun pagkatapos mo isirado ang imo account.

Pinansyal nga impormasyon: Kung ikunektar mo ang imo GCash digital wallet sa imo bank account, mahimo namon makolekta ang mga detalye sini subong man ang imo mga detalye sa pag-login online.

Ginatago namon ang imo pinansyal nga impormasyon sa sulod sang lima (5) ka tuig pagkatapos sang katapusan nga transaksyon nga imo ginhimo gamit ang imo GCash account ukun pagkatapos mo isarado ang imo Account.

Listahan sang imo kontak: Kung gamiton mo ang amon serbisyo sa pagpadala sang kwarta ukun mobile load sa imo mga kuntak, ukunpag-engganyo sa iban nga mag-gamit sang mga feature pareho sang GForest, mahimo kami magtipon sang impormasyon halin sa imo address book.

Ang GCash App magapabilin sang imo listahan sang mga kontak tubtob nga may ara ka sini.

Third Party Information: Nagatipon man kami sang impormasyon parte sa imo halin sa lainlain nga mga ginhalinan agud mapa-nami ang amon mga serbisyo. Halimbawa, para sa pagrekrut kag pag-usisa sang background, pagproseso sang transaksyon, pag-usisa sang identidad, kag pagtukib sang pagpangdaya. Ang kalawigon sang tion nga ginatipon namon ang imo impormasyon halin sa third-party naga-lainlain depende man sa klase sang impormasyon:

Ang kalawigon sang tion nga ginatipon namon ang imo impormasyon halin sa third-party naga-lainlain depende man sa klase sang impormasyon:

• Impormasyon sa pagkilala: Ginatago ini asta sa lima ka tuig pagkatapos sang katapusan nga transaksyon nga imo ginhimo gamit ang imo GCash account ukun pagkatapos mo isirado ang imo account.
• Impormasyon konektado sa imo propesyon ukun trabaho: Ginatago ini sa sulod sang lima ka tuig pagkatapos sang imo pagkarekrut ukun sa pagtapos sang imo trabaho.
• Kung ang impormasyon may kaangtanan sa nagapadayon nga imbestigasyon: Ginatago ini tubtob sa ika pulo (10) nga tuig pagkatapos matapos ang imbestigasyon ukun napaidalom sa mando sang korte.

Detalye sa imo nga device: Nagatipon man kami sang mga detalye parte sa device nga imo ginagamit sa pag-access sang imo GCash account, pareho sang modelo sang imo device, numero o contact number, time zone, setting sang lengwahe, sahi sang browser, kag IP address.

Ginatago namon ang impormasyon parte sa imo device sa indi magkulang sa nobyenta (90) ka adlaw sa amon aktibo nga mga rekord kag asta sa ikatlo (3) ka tuig sa amon mga backup nga rekord.

Impormasyon sa paggamit sang App: Nagatipon kami sang impormasyon kung paano mo ginagamit ang app kag website, pareho sang mga pahina nga imo ginakadtuan kag ang mga hilikuton nga imo ginahimo didto.

Ginatago namon ang imo impormasyon sa pag-gamit sang app sa indi magkulang sa nobyenta (90) ka adlaw sa amon aktibo nga rekord kag asta sa ikatlo (3) ka tuig sa amon backup nga rekord.

Impormasyon nga biometric

• Login: Nagatipon kami sang biometric nga impormasyon gikan sa imo device para ma-access ang imo GCash account. Mahimo man namon kolektahon ang imo litrato para sa amon DoubleSafe nga bahin sang seguridad. Para sa dugang nga impormasyon parte sa DoubleSafe nga bahin, palihog bisitaha ang amon website. Ginatago namon ang imo mga detalye sa pag-login sa biometric tubtob nga may ara ka sang GCash app.
• Mga Pagbayad: Nagatipon man kami sang biometric nga impormasyon pareho sang mga litrato para sa amon nga bahin sa pagbayad pareho sang Face Pay. Ginatago namon ang biometric nga impormasyon nga gin-gamit para sa pagbayad sa sulod sang lima (5) ka tuig pagkatapos sang imo katapusan nga transaksyon nga ginhimo gamit ang imo GCash account ukon pagkatapos mo sirado sang imo account.

Impormasyon sa geolocation Nagatipon kami sang impormasyon parte sa imo lokasyon para mapa-ayo ang amon mga serbisyo, para mahibaluan ang pagpangdaya kag krimen, kag para sa mga katuyuan sa pag pamaligya. Ang iban nga mga bahin mahimo nga indi mag-ubra sing maayo kung indi mo pagpaambiton ang imo lokasyon. Mahimo mo ini makontrol sa mga setting sang imo device.

Kung ang impormasyon sa geolocation may kaangtanan sa nagapadayon nga imbestigasyon, huptan namon asta sa ikapulo (10) nga tuig pagkatapos matapos ang imbestigasyon ukun suno sa ginapatuman sang mando sang korte.

Mga impormasyon nga imo gin hatag kung ginakontak mo kami: Kung makipag-angot ka sa amon paagi sa chat, telepono, ukun email, ginarekord namon ang aton pag-istoryahanay kag ginatipon ang mga detalye parte sa imo kag sa imo mga pang hunahuna. Dugang sini, nagakuha man kami sang mga litrato sang mga hitabo nga imo ginatambungan.

Kung ini nga komunikasyon may labot imo sa personal nga impormasyon, ginatago namon ang impormasyon nga imo ginhatag kung makipag-angot ka sa amon sa sulod sang lima (5) ka tuig pagkatapos sang katapusan nga transaksyon nga imo ginhimo gamit ang imo GCash account ukon pagkatapos mo sirado ang imo account.

Impormasyon sa online o network activity: Nagatipon kami sang impormasyon parte sa imo mga interaksyon sa amon app, website, mga pasayod, mga pahina sa social media, kag sa iban pa nga mga digital nga plataporma.

Ginatago namon ang impormasyon parte sa imo device sa indi magkulang sa nobyenta (90) ka adlaw sa amon aktibo nga rekord kag tubtob sa tatlo (3) ka tuig sa amon backup nga rekord.

Social Web Information: Ginatipon namon ang imo impormasyon sa tagsa ka tion nga nagakipag-angot ka sa amon paagi sa amon opisyal nga mga pahina sa social media (Facebook, Twitter, Tiktok, kag Instagram). Upod sa mga impormasyon nga amon ginakolekta amo ang imo numero sang tiket, numero sang mobile phone, ngalan, litrato, kag iban pa nga impormasyon nga may kaangtanan sa imo pamangkot.

Ang kalawigon sang tion nga ginatago namon ang imo impormasyon sa social media naga-lainlain kag nagabase sa:

• Impormasyon sa pagkilala: Ginatago ini sa sulod sang lima (5) ka tuig pagkatapos sang katapusan nga transaksyon nga imo ginhimo gamit ang imo GCash account ukon pagkatapos mo sirado ang imo account.
• Impormasyon nga propesyonal o konektado sa trabaho: Ginatago namon ini sa sulod sang lima (5) ka tuig pagkatapos sang imo nga recruitment ukon pagkatapos sang imo trabaho.
• Kung ang impormasyon may kaangtanan sa nagapadayon nga imbestigasyon: Ginatago ini tubtob sa ika pulo (10) nga tuig pagkatapos matapos ang imbestigasyon ukon napaidalom sa mando sang korte.

Advertising Unique Identifier: Nagatipon kami sang pinasahi nga mga identifier pareho sang imo iOS Identifier for Advertisers (IDFA) kag Android Advertising ID (GAID) sa tagsa ka tion nga ginaserbe namon ang amon mga ad. Mahimo mo makontrol kung paano mo ginapaambit ang imo mga identifier sa pasayod paagi sa pagbag-o sini sa mga setting sang imo device.

Ginatago namon ang imo pinasahi nga mga identifier tubtob nga may yara ka sang GCash App.

Impormasyon nga propesyonal o parte sa imo trabaho: Ginatipon namon ang impormasyon nga imo ginhatag sa imo resume para sa imo aplikasyon sa trabaho, lakip ang imo mga nauna nga trabaho, edukasyon, impormasyon sa pagkontak, kag mga propesyonal nga lisensya ukung sertipikasyon.

Ginatago namon ang imo impormasyon nga propesyonal o parte sa imo trabaho sa sulod sang lima (5) ka tuig pagkatapos nga maghalin ka sa trabaho. Sa tion nga indi mo matapos ang proseso sang pagkuha clearance, mahimo namon taguon ang imo rekord tubtob sa pito (7) ka tuig.

Direkta nga interaksyon: Ginatipon namon ang imo impormasyon kung nagahimo ka sang GCash account kag nagahatag ka sang personal nga impormasyon sa paggamit sang amon mga serbisyo, kung naga-aplay ka para sa mga trabaho, sa pag-intra sa mga kahiwatan sa pagrekrut, sa pakig-angot sa amon para sa bulig, kag madamo pa.

Sa pama-agi sa amon nga App kag Website: Ginatipon namon ang imo impormasyon kung magbukas ka sang GCash account o sa pag gamit sang amon mga serbisyo pareho sang GStocks PH, Global Stocks, ukun GCrypto, ukon sa pag-aplay mo nga maging isa san amon mga negosyante ukon mga partner sa negosyo.

Sa pama-agi sang nagalainlain nga mga channel: Ginatipon namon ang imo impormasyon paagi sa nagkalain-lain nga mga channel, lakip ang mga online nga porma kag mga pahina sang app nga amon ginamentinar ukun sang amon mga service provider. Halimbawa, kung magbakal ka sang produkto gikan sa website sang amon partner kag magpili sang GCash bilang pamaagi sang pagbayad, kolektahun namon ang imo impormasyon para maproseso ang imo pagbayad.

Halin sa amon nga mga partner kag affiliate: Halimbawa, mahimo namon mabaton ang imo personal nga impormasyon halin sa departamento sang human resources sang imo kumpanya kung gina-gamit nila ang GCash sa pagbayad sa imo sweldo. Nagabaton man kami sang impormasyon halin sa iban pa nga mga kumpanya kung nagagamit sila sang GCash sa pagtanyag sa imo sang ila mga serbisyo.

Halin sa amon nga social media platform: Ginatipon namon ang imo impormasyon sa tagsa ka tion nga nagakipag-angot ka sa amon sa amon opisyal nga mga pahina sang social media ukon kung naga-pakigbahin ka sa amon mga paindis-indis.

Sa paghatag permiso sa imo nga mobile device: Ginatipon namon ang imo impormasyon kung gina-gamit mo ang imo biometric nga impormasyon sa pag-log in ukon sa paghatag sang access sa mga pinili nga mga serbisyo pareho na lang sang GForest kag iban pa nga mga hilikuton sa pagpamaligya.

Halin sa iban pa nga third party: Halimbawa, mahimo namon makuha ang imo personal nga impormasyon kung ginatugutan mo ang iban nga mga kumpanya nga mag transaksyon sa amon ukun kung magpangabay ka nga ipadala nila ang imo personal nga impormasyon sa amon (nga nagatuman sang imo kinamatarong sa pagdala sang data).

Halin sa imo nga mga kakilala, miyembro sang pamilya kag sa imo gin ubrahan sadto: Halimbawa, nagatipon kami sang impormasyon kung ginalista ka sang imo mga kilala bilang isa ka reperensya ukon kontak nga tawo sa ila account.

Halin sa mga third-party recruitment agency: Ang amon mga ahensya sa pagrekrut mahimo maghatag sang kopya sang imo resume ukon personal nga impormasyon nga imo ginpaambit sa mga website sa pagpangita sang trabaho kag propesyonal nga networking.

Halin san mga third-party background verification provider: Nagakuha kami sang mga tawo nga mag-verify sang impormasyon nga imo ginahatag sa imo aplikasyon sa trabaho kag maghimo sang mga background check. Nagabulig ini sa amon nga mahibaluan kung ikaw nagakabagay ka sa amon kompanya.

Mga GCash affiliate: Ang mga kaupod sang GCash nagabuligay sa paghatag sang mga serbisyo nga nagakabagay sa imo estilo sang pagkabuhi kag pinansyal nga mga kinahanglanon. Halimbawa, kung magdesisyon ka nga mag-aplay para sa isa ka pautang, mahimo namon ipaambit ang imo personal nga impormasyon nga imo ginhatag sa amon kaupod sa pagpautang, Fuse Lending, Inc. (FLI).

Ang G-Xchange Inc. (GXI) amo ang panguna nga operator sang GCash. Ang GXI may mga kaupod nga mga kompanya pareho sang FLI kag BlockG Virtual Assets, Inc. (BlockG). Ang GXI ginapanag-iyahan sang Globe Fintech Innovations, Inc. (GFI ukun Mynt).

Mga institusyon pinansyal kag ahensya nga nagausisa sang utang: Agud padayon nga mahatagan ka sing mataas nga kalidad nga mga serbisyo, mahimo namon ipaambit ang imo personal nga impormasyon sa iban nga masaligan nga mga institusyon pinansyal. Nagabulig ini sa amon sa paghatag sang mga serbisyo nga imo ginpangayo, pag-kumpirma sang imo identidad, pag-ebalwar sang imo creditworthiness, pag-dumala sang mga risgo, pag-tapna sang pagpangdaya kag krimen, kag madamo pa.

Mga partner: Ang GCash mahimo nga magpakig-upod sa nagkalainlain nga mga negosyo sa paghatag sa imo sang madamo nga mga serbisyo nga nagakabagay sa imo estilo sang pagkabuhi kag pinansyal nga mga kinahanglanon. Halimbawa, kung gina-gamit mo ang imo GCash App sa pagbayad sang mga balayran, mahimo namon ipaambit ang imo personal nga impormasyon sa imo ginpili nga kumpanya sang pagsingil. Kung mag-intra ka sa mga promosyon sang amon mga kaupod, mahimo namon ipaambit sa ila ang isa ka rekord sang imo subscription sa promosyon kag ang pagtubos sini. Para mahibaluan kung sin-o ang amon mga kaupod, palihug bisitaha ang amon Website.

Mga service provider: Ginapaambit man namon ang imo personal nga impormasyon sa amon masaligan nga mga service provider nga nagabulig sa amon nga mangin manami kag episyente ang amon mga serbisyo. Nagabulig sila sa amon sa nagkalainlain nga paagi, pareho sang pagsabat sang imo mga pamangkot, pagrepaso sang impormasyon, pagdumala sang mga risgo, pagtapna sang pagpangdaya, pagproseso sang mga pagbayad kag madamo pa. Daku ang ila papel sa pagsiguro nga magamit mo ang GCash App sing maayo.

Mga nagabulig sa pag kuntra sa pag-pang daya kag kriminalidad: Kami nagapangako sa pag-protektar sa imo kag sa iban pa nga mga nagagamit sang GCash halin sa pag pang-daya kag iban pa nga mga krimen. Paagi sa pagpaambit sang pila ka personal nga impormasyon, nagabulig kami sa paghimo sang mas bukas nga sistema pinansyal sa pag-protekta sa imo kag sa mas malapad nga komunidad.

Mga ahensya nga naga-implementar sang mga layi, mga responsable sa regulasyon, kag ang mga korte: Ang GCash mahimo mag-paambit sang imo personal nga impormasyon sa mga ahensya sang pagpatuman sang kasuguan, mga ahensya sang regulasyon, mga korte, kag iban pa nga mga awtoridad publiko. Himuon lang namon ini kung ginapatuman sang kasuguan ukon para maprotektahan ang amon mga kinamatarong, malikawan ang pag-pangdaya, kag masiguro ang kaluwasan sang mga nagagamit sang GCash kag sang publiko.

Mga pag bag-o sa GCash: Kung ang GCash magtingob sa iban nga kompanya, ukon kung kami ukon ang amon mga pagkabutang ginkuha sang iban nga kumpanya, mahimo namon ipaambit ang imo personal nga impormasyon sa sina nga kompanya. Kung matabo ini, siguraduhon namon nga ipahibalo ini sa imo sing abanse kung ang imo impormasyon ipaambit sa iban nga kompanya ukon kung may bag-o nga mga polisiya nga ginapatuman sa pag-amlig kag pag-amlig sang imo impormasyon.