Cebuano

Pahibalo sa Pagkapribado
(Privacy Notice)

Giseryoso kaayo sa GCash ang imong pagkapribado. Makugihon kaming nagtrabaho aron mapanalipdan ang imong personal nga impormasyon. Gibuhat namo kini subay sa internasyonal nga mga sumbanan ug sa mga balaod sa Pilipinas.

Kini nga pahibalo sa pagkapribado nagpasabot kung giunsa namo pagdumala ang imong personal nga impormasyon. Nagtumong kami nga klaro ang among mga gawi ug katuyoan. Kami makanunayon nga naningkamot sa paglihok sa usa ka etikal nga paagi. Dinhi, among gipasabot kung giunsa namo pagkolekta, paggamit, pagpaambit, pagpabilin, pagpapas, ug pagpanalipod sa imong impormasyon. Gieksplikar pod namo kung unsaon nimo pagkungtrol ang imong impormasyon.
‍

Unsa ang GCash?

Ang GCash usa ka elektronikungg bersyon nga pitaka (digital wallet) nga nagpasayon sa imong buluhatong pinansyal ug mga kalabutan sa imong estilo sa panginabuhi (lifestyle). Salamat sa among mga partner, dali ka nga makabayad sa mga bayronon, makabalhin og kuwarta, makahulam og pondo, maka-donate, mananom og kahoy, mamalit online, ug makapamalit gamit ang imong GCash App.

Para sa dugang nga detalye sa kapabilidad sa imong GCash App, bisitaha ang among website.

‍Nganong kuhaon namo ang imong personal nga impormasyon?

Aron makumpirma ang imong pagkatawo (Know-Your Customer o KYC Information)
Bag-o kami maghimo og digital wallet alang kanimo ug motugot sa paggamit sa among partner nga mga serbisyo, gitakda sa balaod nga kinahanglan makahibalo kami kun kinsa ka. Kami usab nagmintinar sa mga rekord sa transaksyon ug nagreport sa bisan unsang makaduda nga mga kalihokan ngadto sa mga tigdumala sa panalapi (financial regulator). Nagsunod kini sa mga lagda sa anti-money laundering aron mapugngan ang pagtago sa mga pondo nga nakuha sa iligal nga paagi.
Aron mahatag ang among serbisyo nga angay sa estilo sa panginabuhi ug mga panginahanglang pinansiyal
Gikolekta namo ang imong personal nga impormasyon aron mapadali ug mapaayo ang imong paggamit sa among mga serbisyo. Pananglitan, kung mobayad ka og bill pinaagi sa imong GCash App, among pangayoon ang imong ngalan, impormasyon sa account, mga detalye sa pagkontak, ug paagi sa pagbayad. Gikolekta kini nga mga detalye aron matukma sa mga kompanya o institusyon nga imong gibayran ang saktong bayad sa hustong bill o account.

Gitan-aw usab namo kung giunsa nimo paggamit ang among mga serbisyo aron makit-an kung pwede ka hatagan og espesyal nga deal. Pananglitan, kung husto ang pagset up sa account, kung nagmentinar og igong pondo sa imong GCash account, ug kapila ka mogamit sa mga serbisyo sama sa pagbayad sa bill, pag-invest ug pagtipig og kwarta (savings), ug pagkuha og insurance. Among tan-awon kung sayo o sa oras ka nagbayad sa mga utang ug kung giunsa nimo paggamit ang utang. Kini nga pagtuki makatabang kanamo sa pagkuwenta sa imong GScore. Aron makakat-on bahin sa GScore, tan-awa ang among GScore FAQs.
Aron ma-personalize ang among mga produkto ug serbisyo
Among gikolekta ug gianalisa ang imong personal nga impormasyon aron mahaom ang among mga serbisyo para lang gyud sa imo. Sa pagsabot sa imong mga gusto ug panginahanglan, makarekomendar kami og mga produkto, espesyal o gipahiangay nga serbisyo, ug mga personalized nga feature nga makapanindot sa imong kasinatian.
Aron makahimo og panukiduki sa produkto ug merkado (product and market research)
Mahimo namong gamiton ang imong personal nga impormasyon sa pag-ila sa mga uso ug mga sumbanan sa merkado nga magtugot kanamo sa paghimo og bag-ong mga produkto ug pagpalambo sa among mga serbisyo. Pananglitan, nagtanyag kami og patas nga pagpahulam, barato nga pamuhunan, sayon o accessible nga insurance, ug uban pang mga serbisyo nga nagpalambo sa pinansyal nga kalambigitan (financial inclusivity) sa tanang Pilipino. Nahimo namo ang pagpaila niini nga mga produkto tungod kay among gitun-an ang imong mga panginahanglan.
Pagdumala sa risgo ug mapugngan ang posibleng pagpanglimbong ug krimen
Naghimo kami og pag-analisa sa risgo (risk analysis) ug paglikay sa pagpanglimbong (fraud prevention) aron sa pagpanalipod kanimo, sa mga partner, ug sa among mga negosyo. Pananglitan, aron mapugngan ang pag-angkung sa laing tawo sa imong GCash account, mahimong kolektahon ug tan-awon namo ang imong hulagway sa nawong, kaagi sa transaksyon, ug uban pang personal nga impormasyon. Aron makakat-on og dugang nga impormasyon bahin sa among DoubleSafe security feature, palihog bisitaha ang among website.
Aron mapauswag ang among serbisyo sa kustomer
Ang among Customer Experience Management Team mahimong mangolekta og dugang nga personal nga impormasyon aron makahatag og mas epektibo nga mga tubag sa imong mga pangutana. Dugang pa, among irekord ang imong mga tawag ug mga chat alang sa pagbansay ug kalambuan sa among team.
Aron mapauswag ang performance sa imong GCash App
Aron makahatag kanimo og labing maayo nga kasinatian ug bili, mahimo namong gamiton ang imong personal nga impormasyon ug tun-an kung giunsa nimo paggamit ang imong app aron mahimo namong labaw ka maayo ang mga serbisyo.
Aron makapadala kanimo og mga kalambuan (update) ug uban pang mga komunikasyon
Mahimo namong gamiton ang imong personal nga impormasyon aron ipadala kanimo ang importante nga mga kalambuan (update) mahitungod sa imong account, mga serbisyo nga imong gigamit, bag-ong mga kabahin (feature), mga pahibalo sa seguridad (security alerts), ug uban pang may kalabutan nga mga komunikasyon.
Aron mamantala (advertise) ang mga iglabot nga mga serbisyo ug produkto
Gamiton namo ang imong personal nga impormasyon alang sa gitumong nga pagmantala (targeted advertisement) para sa pagpresentar sa mga tanyag, promosyon, ug mga sugyot nga nahiuyon sa imong mga interes. Kami naningkamot sa paghatag og personalized nga mga advertisement pinaagi sa pagtuon sa imong paggamit sa GCash App, lakip na ang kaagi sa transaksyon, mga sumbanan sa paggamit, ug mga gusto.
Aron madumala ang proseso sa pag-recruit ug pagtipig sa mga rekord sa panarbaho (employment records)
kung nagtrabaho ka namo karon, nanrabaho uban kanamo, o interesado nga magtrabaho uban namo, among giproseso ang personal nga impormasyon nga imong gihatag sa imong résumé ug mga application form. Kini naglakip sa impormasyon bahin sa imong edukasyon, resulta sa pagsusi, mga gitanyag nga trabaho, background check, ug mga medikal nga pagsusi. Gitipigan pod namo ang mga personal nga impormasyon samtang nagtrabaho ka kanamo ug bisan human ka nihawa, apil ang impormasyon bahin sa imong pensiyon ug uban pang mga benepisyo, account sa bangko, mga pinuy-anan (address), mga benepisyaryo, ug mga kontak kung may emerhensiya (emergency).

Unsang mga klase sa impormasyon ang among gikolekta, giproseso, ug gipaambit, ug unsa kadugay namo kini gitipigan?

kung magdesisyon ka nga mag-abri og GCash account, among kolektahon, iproseso, ug ipaambit ang lain-laing klase sa impormasyon. Ayaw kabalaka, huptan ug gamiton lang namo kini nga impormasyon kutob sa gikinahanglan aron matuman ang mga katuyoan diin kini gikolekta o sa pagtuman sa legal nga mga kinahanglanon.
‍

Impormasyon sa Pag-ila (Know-Your-Customer): kung mag-abri ka og GCash account, among kolektahon ang imong personal nga mga detalye, lakip ang imong tibuok nga ngalan, gender, gipuy-an nga balay, numero sa cellphone, email address, mga detalye sa pagkatawo, citizenship o nasyonalidad, mga numero sa ID nga hinatag sa gobyerno, imong litrato, ug pirma. kung gikinahanglan, mahimo usab kaming mangutana bahin sa imong trabaho, kahimtang sa kaminyoon, kita, ug uban pang mga impormasyon nga gimando sa mga regulasyon sa Bangko Sentral ng Pilipinas (BSP).

Among tipigan ang imong impormasyon sa pag-ila sulod sa 5 ka tuig human sa imong pinakaulahing transaksyon nga gibuhat gamit ang imong GCash account o human nimo isira ang imong account.
Impormasyon nga Pinansyal: kung isumpay (link) nimo ang imong account sa bangko sa imong GCash digital wallet, mahimo namong kolektahon ang mga detalye sa imong account sa bangko, ingon pod ang detalye sa online login.

Among tipigan ang imong pinansyal nga impormasyon sulod sa 5 ka tuig human sa imong pinakaulahing transaksyon nga gibuhat gamit ang imong GCash account o human nimo isira ang imong account..
Listahan sa mga kontak: kung gigamit nimo ang among mga serbisyo aron magpadala og kwarta o load sa cellphone sa imong mga kontak, o imo silang giimbita sa paggamit sa among mga feature sama sa GForest, mahimong makolekta usab namo ang mga impormasyon gikan sa mga listahan sa kontak (address book).

Gitipigan sa GCash App ang imong listahan sa kontak samtang nakalista pa sila kanimo.
Impormasyon sa Ikatulong-partido (Third-Party) Gikolekta namo ang impormasyon bahin kanimo gikan usab sa laing mga tinubdan aron mapalambo ang among mga serbisyo. Pananglitan, alang sa pag-recruit ug pagsusi sa kaagi (background check), pagproseso sa transaksyon, pagberipika sa pagkatawo, ug pagtuki sa pagpangilad o pagpanglimbong.

Nagkalain-lain ang kadugay sa pagtipig sa imong mga impormasyon gikan sa ikatulong-partido:
- Impormasyon sa Pag-ila: Gitipigan kini sulod sa 5 ka tuig human sa pinakaulahing transaksyon nga imong gibuhat gamit ang imong GCash account o human nimo isira ang imong account.
- Propesyonal o impormasyon sa panarbaho: Gitipigan kini sulod sa 5 ka tuig human sa imong pagka recruit o pagkahuman sa katapusang adlaw sa imong trabaho.
- o kung may kalabutan o importansya sa nagpadayon nga imbestigasyon: Gitipigan kini hangtod sa 10 ka tuig pagkahuman makompleto ang imbestigasyon o depende sa mando sa korte.
Impormasyon sa Himan (Device): Gikolekta namo ang mga detalye bahin sa himan (device) nga imong gigamit sa pag-akses sa imong GCash account, sama sa matang sa device, identification number, time zone, pinulongan o language setting, klase sa browser, ug IP address.

Gitipigan namo ang mga impormasyon sa imong device sulod sa dili moubos sa 90 ka adlaw sa among aktibong rekord ug hangtod sa 3 ka tuig sa among backup nga mga rekord.
Impormasyon sa Paggamit sa App: Gitigom namo ang mga impormasyon kung giunsa nimo paggamit ang imong app ug website, sama sa mga page nga imong gibisitahan ug sa mga kalihokan nga imong gibuhat.

Gitipigan namo ang mga impormasyon sa paggamit sa app sulod sa dili moubos sa 90 ka adlaw sa among aktibong rekord ug hangtod sa 3 ka tuig sa among backup nga mga rekord.
Biometric nga Impormasyon sa Pag-login:Gikolekta namo ang biometric nga mga impormasyon nga imong gitipigan sa imong himan (device) aron maakes ang imong GCash account. Mahimo usab namong makuha ang imong hulagway sa nawong para sa among DoubleSafe nga pamaagi sa seguridad. kung gusto pang mahibaw-an ang bahin sa DoubleSafe, palihog bisitaha ang among website.

Gitipigan sa GCash App ang imong biometric nga impormasyon sa pag-login samtang gigamit o naa pa nimo kini.
Impormasyon sa Nahimutangan (Geolocation): Gikolekta namo ang impormasyon sa imong lokasyon aron mas mapanindot pa ang among mga serbisyo, sama sa pagbantay sa pagpanglimbong ug pagsusi sa krimen, ug alang sa katuyoan sa pagpamaligya (marketing). Adunay mga feature nga mahimong dili molihok og sakto kung dili nimo ipaambit ang imong lokasyon. Mahimo nimong madumala kini sa imong device settings.

kung ang imong impormasyon sa geolocation adunay kalabutan sa usa ka nagpadayong imbestigasyon, among gitipigan kini hangtod sa 10 ka tuig human makompleto ang imbestigasyon o depende sa mando sa korte.
Impormasyon nga imong gihatag sa pagkontak kanamo: kung mokontak ka kanamo pinaagi sa chat, telepono, o email, among girekord ang atong panag-istoryahanay ug gikolekta ang mga detalye bahin kanimo ug sa imong mga kabalaka. Dugang pa, nagkuha kami og mga litrato sa mga kalihokan nga imong gitambongan.

kung ang katuyuan bahin sa impormasyon sa pag-ila, gitipigan namo ang impormasyon nga imong gihatag sa pagkontak kanamo sulod sa 5 ka tuig human sa imong pinakaulahing transaksyon nga gibuhat gamit ang imong GCash account o human nimo isira ang imong account.
Impormasyon sa online o network activity: Gikolekta namo ang mga impormasyon bahin sa imong mga interaksyon sa among app, website, pamantala o advertisement, social media page, ug uban pang digital nga mga plataporma.

Gitipigan namo ang mga impormasyon sa device sulod sa dili moubos sa 90 ka adlaw sa among aktibong rekord ug hangtod sa 3 ka tuig sa among backup nga mga rekord.
Impormasyon sa Social Web: Gikolekta namo ang mga impormasyon sa interaksyon nimo sa among mga opisyal nga social media page (Facebook, Twitter, Tiktok, ug Instagram). Mahimong maglakip kini sa numero sa tiket, numero sa cellphone, ngalan, litrato, ug uban pang impormasyon nga naay kalabotan sa imong mga pangutana.

Nagkalain-lain ang kadugay sa pagtipig sa imong mga impormasyon gikan sa social web:
- Impormasyon sa Pag-ila: Gitipigan kini sulod sa 5 ka tuig human sa pinakaulahing transaksyon nga imong gibuhat gamit ang imong GCash account o human nimo isira ang imong account.
- Propesyonal o impormasyon sa panarbaho: Gitipigan kini sulod sa 5 ka tuig human sa imong pagka-recruit o pagkahuman sa katapusang adlaw sa imong trabaho.
- kung may kalabutan o importansya sa nagpadayon nga imbestigasyon: Gitipigan kini hangtod sa 10 ka tuig pagkahuman makompleto ang imbestigasyon o depende sa mando sa korte.
Mga Advertising Unique Identifier: Gikolekta namo ang mga talagsaon o unique identifier sama sa imong iOS Identifier for Advertisers (IDFA) ug Android Advertising ID (GAID) para sa among mga kalihokan sa pagmantala o advertising. Mahimo nimong makungtrol kung unsa lang ang imong mga ipaambit nga advertising identifier pinaagi sa pagbag-o sa imong device settings.

Among gitipigan ang imong mga advertising unique identifier basta aduna kay GCash App.
Propesyonal o impormasyon sa panarbaho: Gikolekta namo ang impormasyon nga imong gihatag sa imong résumé sa imong aplikasyon sa trabaho, lakip ang imong kasaysayan o kaagi sa imong unang mga trabaho, edukasyon, mga detalye sa kontak, ug propesyonal nga mga lisensya o sertipikasyon.

Among gitipigan ang imong propesyonal o impormasyon sa pagpanarbaho sulod sa 5 ka tuig human sa imong paghawa. kung dili nimo mahuman ang pagproseso sa imong “clearance,"" mahimong tipigan usab namo ang mga rekord sulod sa 7 ka tuig.

Giunsa namo pagkolekta ang imong personal nga impormasyon?

Gikolekta namo ang imong personal nga impormasyon sa daghang mga paagi:

Direktang Interaksyon: Gikolekta namo ang imong impormasyon kung mohimo ka og GCash account ug mohatag ka sa imong personal nga impormasyon aron magamit sa among mga gitanyag nga serbisyo, pag-aplay og trabaho, pag apil sa mga pag-recruit, pagkontak kanamo kung mangayo ka og tabang, ug uban pa.
Pinaagi sa among App ug Website: Gikolekta namo ang imong impormasyon kung moabri ka og GCash account o mogamit sa bisan unsa nga mga serbisyo sama sa GStocks PH, Global Stocks, o GCrypto, o kung mo-aplay ka nga mahimong kasosyo namong negosyante o kapartner sa negosyo.
Pinaagi sa Nagkalain-laing Channels: Gikolekta namo ang imong mga impormasyon pinaagi sa nagkalain-laing mga channel, lakip na ang pinaagi sa online forms ug among mga page sa app o sa among service providers. Pananglitan, kung mopalit ka og usa ka produkto gikan sa website sa among mga kasosyo ug piliin nimo ang GCash isip imong paagi sa pagbayad, among kolektahon ang imong impormasyon para maproseso ang pagbayad.
Gikan sa Among mga Kasosyo ug Kapartner: Pananglitan, mahimo namong madawat ang imong personal nga impormasyon gikan sa departamento sa human resources sa imong kompanya kung mogamit sila og GCash sa pagbayad sa imong sweldo. Makadawat usab kami og impormasyon gikan sa ubang mga kompanya sa matag higayon nga mogamit sila og GCash aron itanyag ang ilang mga serbisyo kanimo.
Gikan sa Among Mga Platform sa Social Media: Gikolekta namo ang impormasyon kung nakig-interact ka o niabri ka sa among opisyal nga mga social media page o kung moapil ka sa among mga pa-kungtest.
Diha sa Paghatag og mga Pagtugot sa Imong Mga Mobile Device: Gikolekta namo ang mga impormasyon kung gigamit nimo ang biometric login o paghatag og akses sa pipila ka permiso para sa mga serbisyo sama sa GForest ug uban pang kalihokan sa pagpamaligya.
Gikan sa Ubang Ikatulong Partido: Pananglitan, mahimo namong madawat ang imong personal nga impormasyon kung mohangyo ka sa laing kompanya nga makigtransaksyon kanamo o kung mohangyo ka nila nga ipadala ang imong personal nga impormasyon kanamo (gamita ang imong katungod sa pagbalhin sa impormasyon o data portability).
Gikan sa Imong mga Higala, Miyembro sa Pamilya, o Kanhi nga Gitrabahuan o Employer: Pananglitan, kung giapil ka sa imong higala isip reperensya o kontak nga personalidad sa ilang kaugalingong account, mamahimo usab namong makuha ang imong mga impormasyon.
Gikan sa mga Third-Party Recruitment Agency: Sa mga recruitment agency nga among katrabaho, pwede usab nga makahatag sila kanamo og kopya sa imong résumé o sa personal nga impormasyon nga imong gihatag kanila diha sa imong pagpangita og trabaho ug mga professional networking website.
Gikan sa mga Third-Party Background Verification Provider: Nagbayad kami og mga tawo nga maoy gitahasan sa pagsusi sa mga impormasyon nga imong gihatag sa pag-aplay og trabaho ug aron biripikahon usab ang impormasyon nga gihatag kanamo diha sa imong aplikasyon (background check). Nakatabang kini kanamo aron makita kung angay ka ba sa among kompanya.

Kang kinsa ba namo ipaambit ang imong personal nga impormasyon?

Kami adunay pakiglambigit sa lain-laing mga ahensya sa gobyerno ug pribadong sektor sa negosyo para makahatag og lapad nga range sa pinansyal and lifestyle services. Usahay, kinahanglan pud nga luwas o safe nga mahatag namo ang imong mga personal nga impormasyon kanila para mahatag namo ang mga serbisyo nga imong gikinahanglan.

Mga GCash Affiliate: Ang lain-laing mga kompanya nga kauban sa GCash nagtinabangay sa paghatag og mga pinansyal ug kalambigit nga serbisyo sa panginabuhi. Pananglitan, kung magdesisyon ka nga mag-aplay og usa ka loan, ang personal nga impormasyon nga imong gihatag mamahimo usab namong ipaambit sa among kaubang tigpahulam, ang Fuse Lending, Inc. (FLI).

Ang (GXI) mao ang nag-unang kompanya nga nagpadagan sa GCash. Ang GXI adunay kalambigit nga mga kompanya sama sa FLI ug BlockG Virtual Assets, Inc. (BlockG). Gitawag nga Globe Fintech Innovations, Inc. (GFI o Mynt) ang kompanya nga nanag-iya sa GXI.
Mga institusyon sa panalapi ug mga credit investigation agency: Aron makahatag kami kanunay og taas nga kalidad nga mga serbisyo, mahimo namong ipaambit ang imong personal nga impormasyon sa uban namong kasaligan nga mga pinansyal nga institusyon. Makatabang kini kanamo sa paghatod sa mga serbisyo nga imong gikinahanglan, pagkumpirma sa pagkatawo, pagtimbang-timbang sa imong abilidad nga makabayad sa utang (credit worthiness), pagdumala sa mga risgo, paglikay sa pagpanglimbong ug krimen, ug uban pa.
Mga Kapartner: Ang GCash nakigtambayayong sa lain-laing mga negosyo aron itanyag kanimo ang usa ka halapad nga han-ay sa mga serbisyo nga husto sa imong estilo sa panginabuhi ug pinansyal nga panginahanglan. Pananglitan, kung imong gigamit ang imong GCash App sa pagbayad sa imong mga balayronon, mamahimo namong ipaambit ang imong personal nga impormasyon sa kompanya kung asa gikan ang bill (billing company). kung moapil ka sa promosyon sa among mga kasosyo, mahimo pod namong ipaambit ang imong rekord sa paggamit og promo (promo subscription) ug pagtubos (redemption). Aron mahibal-an kung kinsa ang among mga kapartner, palihog bisitaha ang among website.
Mga tagahatag sa serbisyo (Service Provider): Gipaambit usab namo ang imong personal nga impormasyon sa among mga kasaligang service provider nga nagtabang kanamo aron mamahimong hapsay ug episyente ang among mga serbisyo. Nagtabang sila kanamo sa lain-laing mga paagi, sama sa pagtubag sa imong mga pangutana, pag-analisar sa mga kasayuran, pagdumala sa risgo, paglikay sa mga pagpanglimbong, pagproseso sa pagbayad, ug uban pa. Dako kaayo ang ilang kabahin sa hapsay nga pagpadagan sa GCash App para kanimo.
Mga partner sa paglikay sa pagpanglimbong ug pagpugong sa krimen: Matinud-anon kami sa pagpanalipod kanimo ug sa uban pang mogamit og GCash batok sa mga pagpanglimbong ug uban pang krimen. Pinaagi sa pagpaambit sa pipila nimo ka personal nga impormasyon, makatabang kami sa mas luwas ug walay lipod-lipod nga sistema sa panalapi, ug mapanalipdan ka namo ug ang mas lapad nga komunidad.
Mga ahensya sa pagpatuman sa balaod, mga naghatag og regulasyon, ug mga korte: Ang GCash mahimong mopaambit sa imong personal nga impormasyon sa mga ahensya nga nagpatuman sa mga balaod, mga tigpanalipod o naghatag og mga regulasyon, ingon man ang korte ug uban pang mga publikungg awtoridad. Buhaton lamang namo kini kung gikinahanglan gyud sa balaod o aron mapanalipdan ang atong katungod, paglikay sa pagpangilad, ug pagsiguro sa kaluwasan sa mga mogamit og GCash ug sa publiko.
Mga Pagbag-o sulod sa GCash: kung ang GCash moapil sa laing kompanya, o kung paliton ang GCash o ang among mga kabtangan sa laing kompanya, tingali kinahanglan namong ipaambit ang imong personal nga impormasyon sa maong kompanya. kung mahitabo kini, siguraduhon namo nga mapahibalo ka daan bag-o namo ihatag ngadto sa laing kompanya ang imong impormasyon o kung adunay mga bag ong lagda sa pagtipig mahitungod sa imong pribadong impormasyon.

Unsaon namo pagpapas ang imong personal nga impormasyon?

Siguraduhon namo nga papason ug gub-on ang imong personal nga impormasyon aron luwas ug dili kini makuha o magamit sa uban. Gihimo namo kini pinaagi sa pagsunod sa mga lagda sa seguridad nga sumbanan sa among industriya. Sa higayon nga ang mga balaod ug mga regulasyon dili na magtugot kanamo sa pagtipig sa imong personal nga impormasyon, diha kami magsugod sa pagpapas niini.
‍
Alang sa pisikal nga mga rekord, gub-on namo kini pinaagi sa paggisi (shredding). Para sa impormasyon nga gitago sa electronic nga media sama sa mga tape ug mga hard drive, hingpit gyud namong papason ang impormasyon gamit ang luwas nga mga solusyon sa pagpapas aron dili na kini mabasa pa. Dili na mabasa pa o magamit ang impormasyon kung walay pagtugot.

Giunsa namo pag-advertise diha kanimo?

Aron padayon kang makahibalo o updated sa among pinakabag-o nga mga tanyag ug kabahin (feature), among gigamit ang pipila ka bahin sa imong impormasyon para sa pag-advertise. Mao kini ang mga pamaagi:

‍

‍Pagkolekta sa imong impormasyon: Among gitigom ang pipila ka personal nga mga detalye bahin kanimo, ang imong mga aksyon sulod sa app, ug ang imong advertising identifier (depende sa imong device settings). Gianalisa namo kini aron mas masabtan ang imong kinatibuk ang interes ug panginahanglan.
‍‍
Pag-profile: Gigamit namo ang impormasyon nga among nakolekta sa paghimo og "profile" mahitungod kanimo. Base niini, makakuha kami og pagsabut kung unsa ang imong mga gusto. Gigamit namo kini nga profile aron isugyot ang mga produkto o serbisyo nga nahiuyon sa imong mga gusto.
‍
Gipunting nga mga ad (targeted ads): Gigamit namo ang imong profile aron ipakita kanimo ang mga ad nga sa among hunahuna mahimong interesado ka. Imbis nga ipakita ang parehas nga ad sa tanan, nagtumong ang targeted ad sa paghatod sa mga butang nga naay labi nga kalabutan sa matag indibidwal nga tiggamit.
‍
Pagtrabaho uban sa mga partner: Usahay makipagtambayayong kami sa kasaligan nga mga partner, sama sa mga kompanya sa advertising, aron matabangan kami nga magpakita kanimo og mga personal nga ad. Ang mga partner makakuha lang og akses sa coded ug di mailhan (anonymous) nga impormasyon. Kinahanglan nga mahimong kompidensyal gihapon ang imong kasayuran ug sundon ang mga balaod bahin sa pagpanalipod sa imong impormasyon.

Giunsa namo pagsiguro nga luwas ug protektado ang imong impormasyon?

Importante kanamo ng imong pagsalig ug pagkapribado. Busa, tumong namo nga klaro kung unsaon ug kanus-a namo ipaambit ang imong impormasyon, samtang gisiguro ang kaluwasan ug seguridad niini.

‍

Adunay mga risgo kung maghimo ka og digital wallet. Mahimong naay mosulay sa pagkungtrolar sa imong account (account takeover), magpakaaron-ingnon nga miyembro sa pamilya aron linglahon ka sa paghatag sa personal nga impormasyon (social engineering), o maogamit sa imong cellphone nga wala ang imong pagtugot (hacking). Gusto namong ipabilin nga luwas ang imong mga detalye aron dili kini magamit sa sala nga paagi, mawala, o maakses sa ubang tawo nga wala nimo tugoti. Mao nga nagdugang kami og mga lakang sa seguridad aron makatabang sa pagpanalipod batok niining mga kapeligrohan. Kini nga mga lakang sa seguridad naglakip sa:

‍

Pagpugong sa akses: Pipila lang ka tawo ang gitugotan nga makakita sa imong personal nga impormasyon.
‍Pag-encrypt: Gi-code namo ang imong personal nga impormasyon aron magpabilin kini nga pribado kung kini gitipigan ug gipadala. Ang pag-encrypt sama sa paghimo sa imong impormasyon nga usa ka sekreto nga code, nga masabtan ra sa mga adunay yawe.
‍Multi-factor authentication (MFA): Gigamit namo ang MFA sa GCash App. Kini nagpasabot nga kinahanglan nimo og labaw pa sa usa ka paagi bag-o nimo maakses ang imong account. Pananglitan, kung gusto nimong ilambigit o i-link ang bag-ong device sa imong GCash account, kinahanglan nimong gamiton ang one-time password (OTP), isulod ang imong Mobile PIN, ug mag-selfie scan. Gigamit usab namo ang biometric login.

Kanunay namong gisusi kung giunsa pagsulod ug paggawas sa impormasyon sa among mga sistema sa kompyuter aron masiguro nga protektado kini. Gipatuman namo ang organisasyonal, pisikal, ug teknikal nga mga lakang sa seguridad nga nahiuyon sa giila nga mga sumbanan sa industriya.

‍

kung among ihatag ang imong personal nga impormasyon sa laing kompanya aron matabangan kami sa among mga serbisyo, gipapirma namo sila og espesyal nga kasabutan. Kini nga kasabutan nagsiguro nga ilang gisunod ang parehas nga mga lagda nga among gibuhat aron mapadayon nga luwas ang imong impormasyon.

‍

Dugang pa, gitambagan ka namo nga magpabilin nga mabinantayon ug panalipdan kanunay ang imong mga password. Ipahibalo kanamo dayon kung nagduda ka nga nakompromiso ang imong mga password. Ayaw ipaambit ang imong MPIN o OTP. Para sa dugang nga impormasyon sa pagpanalipod sa imong GCash Account, bisitaha ang among Help Center.

Nigamit ba kami og mga awtomatik nga mga proseso sa pagdesisyon?

Pwede kaming mohimo og mga desisyon bahin kanimo gamit ang mga sistema sa kompyuter nga wala’y pag-apil sa tawo, usa ka proseso nga gitawag nga automated decision-making. Gibuhat namo kini aron mas masabtan ka isip usa ka kustomer. Pinaagi sa pagsusi sa imong nangaging mga transaksyon, pagbayad, ug mga balanse sa account, masabtan namo ang imong gawi sa panalapi, abilidad nga makabayad (credit worthiness), ug mga pamatasan. Kini nga proseso makatabang usab kanamo sa pagtino sa imong umaabot nga mga panginahanglan, sama sa kung kinahanglan nimo ang dugang nga utang/kredito. Pananglitan, mahimo namong susihon kung kwalipikado ka nga mokuha og mga produktong pinansyal sa among mga kapartner base sa imong GScore. Para sa dugang nga impormasyon bahin sa GScore, palihog sa pagsangguni sa GScore FAQs.

Unsa ang imong mga katungod bahin sa imong impormasyon?

Aduna kay daghang mga katungod sumala sa balaod:

Mahimo kang ingnan kung giunsa namo pagdumala ang imong personal nga impormasyon (katungod nga makahibalo).
Mahimo nimong maakses ang personal nga impormasyon nga naa namo bahin kanimo (katungod sa pag-akses).
kung giproseso namo ang imong personal nga impormasyon base sa pagtugot o lehitimong interes, mahimo kang mosupak (katungod sa pagsupak).
Mahimo nimong hangyoon kanamo ang paghunong, pagbawi, pagbabag, pagpapas, o pagguba sa imong personal nga impormasyon (katungod sa pagpapas o pagbabag).
kung nalapasan ang imong katungod sa pagkapribado sa impormasyon ug nakahiagom ka og kadaot, mahimo kang makapangayo og bayad (katungod sa danyos).
kung gibati nimo nga gigamit sa sala ang imong personal nga impormasyon o nalapas ang imong mga katungod sa pagkapribado, mahimo kang magpasaka og reklamo sa National Privacy Commission (katungod sa pagpasaka og reklamo).
Mahimo kang makiglalis ug ipatul-id ang bisan unsang sala sa imong personal nga impormasyon (katungod sa pagtul-id).
Mahimo kang mohangyo kanamo nga luwas nga ibalhin o kopyahon ang imong personal nga impormasyon gikan sa usa ka kompanya ngadto sa lain (katungod sa pagbalhin sa impormasyon).

‍

Para sa dugang nga impormasyon kabahin sa imong mga katungod sa pagkapribado (privacy rights), bisitaha ang website sa National Privacy Commission aron sa pagtan-aw sa mga reperensya bahin sa Rights of Data Subjects.

Unsaon nimo paggamit ang imong mga katungod sa pagkapribado sa impormasyon (information privacy rights)?

Among dumalahon ang tanan nimong mga hangyo sa pag akses, pagtul-id, o pagbalhin sa imong personal nga impormasyon gawas kung adunay legal nga mga rason nga magpugong kanamo. Makapangayo ka og kopya sa bisan unsang personal nga impormasyon nga naa namo bahin kanimo. kung makit-an nimo ang sala, mahimo nimong hangyoon kami nga tul-iron kini.

‍

Gitagaan namo og bili ang imong mga hunahuna, tubag o komentaryo (feedback), ug mga hangyo. kung kinahanglan nimo nga makigsulti kanamo, mahimo kaming tawagan sa 2882 (Customer Care).

Updated ba ang among Pahibalo sa Pagkapribado (Privacy Notice)?

Regular ang among pag-update sa pahibalo aron mahatagan ka og pinakabag-o nga impormasyon kung giunsa namo pagpanalipod sa imong personal nga impormasyon. Ang among katuyoan mao ang pagsunod sa labing bag-ong mga lagda mahitungod sa pagkapribado sa datos ug pag-uswag sa mga teknolohiya sa seguridad. Girekomenda namo nga kanunay nimo bisitahon kini nga page aron makahibalo sa tanang update nga among gibuhat.

Last updated: 31 October 2024

GCash Seal of Registration

Pahibalo sa Pagkapribado(Privacy Notice)

Pahibalo sa Pagkapribado
(Privacy Notice)